VLADISL AVIEN. 103

n. 20; et S. Rota in Constantien. Decimarum 1 Iulii 1757, coram Caprara § 13. Nulla ergo difficultas oriri potest a testibus negativis aut factum ignorantibus. Idcirco assertio iudicii Metropolitani appellanda est non solum gratuita, sed absque ullo fundamento edita, et omnino irrationalis. Nemo enim praesumitur malus, nisi probetur ; proinde nullius va- loris est asserta ratio iudicii Metropolitani, videlicet testes carere notis veritatis.

Ceterum, observat, nil mirum esse, quod testes de visu nihili fecerint, ut turpe stuprum impedirent. Etenim profecto praevidebant mala et praeiudicia quae illis ob veniebant. Iamvero agebatur de viro nobili furenti ob cupidinem erga mulierem ; agebatur de prava concupiscentia quae tenebras ipsi rationi et intellectui obducit; proinde ad evitanda da- mna et praeiudicia quae poterant eis obvenire, prudentissi- mae cautelae regulas sequuti sunt. Ob eadem rationum mo- menta Ignatius minime cogitare et advertere valebat personas quae post cespites adesse poterant. Horribilis enim concupi- scentiae motus aequiparatur dementiae et furori, adamussim ob tenebras, quibus intellectum obnubilât.

Tandem haec confirmant, ait patronus, acta suppletoria, nempe alteri duo testes e speciali gratia S. C. Congrega- tionis examinati, quos fide dignos comperit Archiepiscopus Varsaviensis. Haec, concludit Orator, profecto confutant Me- tropolitanam sententiam. Siquidem non solum comprobant quae antecedentes testes affirmarunt, sed éliminant difficul- tatem ab ipsa excitatam, videlicet « neminem de hoc facto in urbe certiorem esse factum ».

ANIMADVERSIONES DEFENSORIS S. VINCULI. Sed ex adverso matrimonii Vindex exorditur ex his mulieris attestationibus. « Prima vice cum marito consummavi matrimonium post unam septimanam a nuptiis. Primum infantem enixa sum die 30 vel 31 Ianuarii anno 1876. Post primum cum ma- rito coitum is intellexit me non esse virginem; exprobrabat, quod me habuerit honeste et religiose educatam, quum in-