100. De Beata Maria V.

la. Ave, Christum quae Iactasti,
Cuius carne nos cibasti,
Esca caeli curiae:

1b. Per te hostes superamus,
Babylonem conculcamus
Spe caelestis patriae.

2 a. Feneras, tu lacriraosae
Mentis, nunc sed gaudiosae,
Antea quae fleveras.

2 b. Fructus ventris militantum
Merces est et triumphantum,
Virgo, quem genueras.

3 a. Vitis vere tu abundans,
Vinum das satis iucundans
Filiis ecclesiae;

3 b. Quae superbos aversaris,
Benedic nos, salutaris,
Pia mater gratiae.

4 a. Redime nos de profundis
Peccatorum magnis undis,

Sanctitate celebris ;
Ave, sequens minima,
Quamvis esses maxima,
Non sublimis palpebris.

4 b. Super sedem patris sui
Sedet fructus ventris tui,

Arca Dei lucida ;
Salve, quam ros caelicus
Perunxit intrinsecus,
Virga Aaron flori da.

5 a. Ad te preces fundimus
Manus et attollimus

Semper nos in noctibus.

5b. De te, virgo, prodiit,
Qui Pharaonem feriit
Salvans nos ab hostibus.

6 a. In conspectu angelorum
Tibi, mater pupillorum,
Tibi damus cantica:

6 b. Aureum tu luminare,

Sis illustrans totum mare
Iustos et glorifica.

7 a. Tutum sis certantibus
Ad te conclamantibus
Quietis umbraculum.

7 b. Ut tus tua devotio
Fragrans et oratio,
Dirigas hoc saeculum.

8 a. Portio sit Israeli

Per te, virgo, Deus caeli,
Ad quem suspiraveras,

8 b. Eius spiritus deducat

Nos ad coelum et perducat,
In quo spem defixeras.

9 a. Cui das modo dulce melos
Resonans per omnes caelos
Tu in aula regia.

9 b. Mirus dulcor, o Maria,
Nobis datur, mater pia,
Tua ex memoria.

10 a. Per te lapsos erigit,

Sancta Dei puerpera,
Per te vagos dirigit,
Per te sanat vulnera

10b. Vale, sidus siderum,

[Stella] maris diceris,
Tu fulgore munerum
Iam succurre miseris.

11a. Vale, terra, quae frumentum
Protulit et nutrimentum,
Animarum fulcimentum,
Porta regis pervia.

11b. O prae cunctis lumen carum,
Quod a sole differt parum,
Hostes fuga tenebrarum,
Quam collaudant omnia.

12 a. In ecclesia sanctorum
Advocata miserorum
Pia dux et naufragorum,
Cantant corda filiorum
Tibi laudes dulciter.

12 b. Iesu, fili summi patris,
[Praesta nobis prece matris],
Te et ipsam cum beatis
Liber quisque a peccatis
Laudet ut hilariter.