101. Ad B. Mariam V.

1. Ad te matrem reclinantur,
Ut sub umbra protegamur

Tuae sanctimoniae,
In qua dolens non languescit,
Sed, si dolet, convalescit

Dono tuae gratiae.

2. Audi, audi, virga Jesse,
Nos gementes et fac esse
Semper tibi nos devotos ;
Commendamus tibi notos
Et commissos ad regendum,
Totum clerum ad tuendum.

3. Me submersum in peccatis
Fac, ut plangam pro patratis

Scala poenitentiae,
Manum praebe poenitenti,
Condescende mihi flenti,
Vas unguenti gratiae.

4. Pro me, virgo dulcis, ora,
Mala pelle, mihi dona
Lacrimarum flumina,
Quibus munder a peccato,
Sic me redde tuo nato,
Patriarcbae filia.
5. Casta, munda, clemens, pia,
Porta coeli, vitae via,

Paradisi viola,
Tu fons rigans paradisum,
Parens trinum indivisum
Sub carnis materia.
G. Quas reddamus tibi laudes,
Quae de nostra spe congaudes,

O silvarum virgula?
Super astra conscendisti,
Te prae cunctis sublimasti
Tuis participibus.

7. Sic in coelo dominaris
Et cum Dato gloriaris,
Cui laus est infinita
Per aeterna saecula.