Sermo XXI .

Item, sermo fratris Bonaventurae in Nativitate Domini apud sanctam Mariam de Portiuncula, quasi ad recreationem.

Plantaverat autem Dominus Deus paradisum voluptatis a principio, Genesis secundo .

Sacer Moyses in verbis his describit Christi nativitatem ut ab aeterno ordinatam et appropriatam, et ut ab ipsa Trinitate omnibus gratiis et benedictionibus adornatum. Propter primum dicit: Plantaverat autem Dominus Deus a principio; propter secundum subdit: paradisum voluptatis.

Notandum autem, quod Christi nativitas gratiosa, ab omnibus desiderata et adamaui in sacra Scriptura describitur sub multiformi metaphora, ut quod una non valet altera suppleat. Describitur enim Christus nascens de Virgine Matre sub metaphora floris albescentis propter universalem munditiam; Canticorum secundo : Ego flos campi et lilium convallium Isaiae undecimo: ''Flos de radice eius ascendet.

Rosae vernantis propter universalem gratiam; Ecclesiastici vigesimo quarto : Quasi plantatio rosae in Iericho; Ecclesiastici quinquagesimo: Quasi flos rosarum in diebus vernis. ''

Lilii redolentis propter universalem famam; quarti Esdrae secundo : In lilio et rosa gaudio replebo filios tuos; Ecclesiastici trigesimo nono: Florete, flores, quasi lilium et date odorem.

Paradisi recreantis propter universalem sapientiam; Canticorum quarto . Emissiones tuae paradisus, dicitur beatae Mariae parienti.

Areolae aromatizantis propter universalem clementia m; Canticorum sexto: Dilectus meus descendit in hortum suum ad areolam aromatum.

Olivae pullulantis propter universalem elegantiam; Ecclesiastici quinquagesimo : Quasi oliva pullulans etc.

Cellae pigmentariae reficientis propter universalem efficaciam ; Canticorum primo: Introduxit me rex in cellaria sua, exsultabimus et laetabimur in te etc,