104 VLADISL AVIEN.

terim aliter rem se habere repererit. Exigebat tit profiterer quocum rem habuissem: ego omnia praefata negavi. Post natum primum infantem non aiebat: eum non esse ex se genitum... suspiciones aut convicia nulla deinceps excitabat, sed fuit plane indifferens, nihil me curabat, nunquam ullam fecit animadversionem, etsi id facere debuerit. Ego maritum amabam et affectu prosequebar, non enim me ream sentie- bant, discors igitur cohabitatio nostra non erat».

Labente sed anno 1885, decimo scilicet ab initis nuptiis anno Boleslaus, Philippinae vir, peculatus crimine insimu- latus ad exteras plagas fugere coactus est. Tum primum Philippina, quippe quae mariti ignominiam atque absentiam aegre fert, initi cum Boleslao matrimonii poenituit ; et modo in leves auras illud amandare contendit, aiens : « Mense Ia- nuario anni currentis comperto in confessione generali, con- iugium meum cum Boleslao esse invalidum, recurri cum in- stantia ad Consistorium ».

Nemo est, notat Orator, Philippina fortunatior : per de- cem annos perfruatur coniugalibus deliciis atque firmissime credit se in valido ac licito matrimoniò versari ; nam ait : « Non enim me ream sentiebam ». Decimo ab hymenaeo anno, fortuna mutatur, at Philippina mirabili mentis serenitate cogitat confessionem generalem ; et vide prodigium ! gene- rali confessione a matrimoniali vinculo, prodigiosa confessarii virga ictu oculi sese expedit.

Absit ut suspiciet, Philippinam ex iurisconsultorum con- silio confessionem generalem ad fucum faciendum in medium afferre ; sed quaerit qua ratione fieri potuerit, ut puella adeo sancta, pietatis sensibus imbuta ab incunabulis, immane scelus matrimonii cum Boleslao, cuius a patre conceperat, nuptiali in confessione et per decem annos confessariis celaverit? Tum solum, cum Boleslaus, coopertus ignominia, exilii viam arripuit, ex admisso crimine sancta femina solicita fuit ge- nerali confessione captare emolumentum !

Quum defensor perpendisset verba Philippinae, genesim affinitatis enarrantis, vix intelligi potest, ait, quomodo fieri