104 EX S. C. CONCILII

etiam non erubuit factis ostendere, se soceri obitum vehe- menter optare, ut dein plena facultas ipsi foret de uxoris bonis disponendi. Sane actrix coram iudice, praeter alia con- queritur quod ille « non obstantibus iuris canonici et civilis praescriptis, declarata legitima separatione, nulla mihi sol- vit alimenta ». Narrat etiam quod vir « adibat nostros fa- mulos eosque interrogabat de cursu morbi : certissime hoc non faciebat sollicitudine et amore ductus , sed intentione meam haereditatem cum foenoribus post mortem patris su- mendi ». Queritur etiam actrix, viri matrem immoralem vitam agere, ac illum sub huius influxu vivere.

Unde conqueritur advocatus quod Lublinen. Curia sen- tentiam Varsaviensis Curiae infirmavit, quin rationabiles causas adduceret. Porro ad quatuor reducuntur reprehen- sionis causae, a Curia Lublinen. allatae ; asseritur nempe quod actrix, in temporali separatione vivens, nec tempus nec occasionem habuit cognoscendi an vir, sufficienter emen- datus, ad pacificam cohabitationem capax evaserat ; quae a testibus, in hac nova actione auditis, narrantur nihil pon- deris instantiae actricis addunt ; quod denegatio alimento- rum nequit marito culpae verti, quia uxor interventu iu- dicis civilis eadem non exposcebat ; quod dura tractatio pa- tris per filium, item facta degenerationis moralis matris parum ad rem pertinere censenda sunt.

At haec argumenta, iuxta patrocinatorem, tum ab actrice tum ab Archiepiscopo refutantur. Ait enim Halina in sup- plici libello ad S. Sedem dato : « Verum equidem est me nunc separatam ad quinquennium a mutua cum marito ha- bitatione et penes parentes meos degentem, nil ab eodem saevitiarum passam esse : at facta dirae tractationis , irre- verentiae et contumeliarum mariti mei erga proprium pa- trem, iuratis depositionibus testium probata, nonne demon- strant aperte, ut in quarto motivo iudicium archiepiscopale non modo cessare impetuosum ingenium eius, verum etiam invaluisse ? Quid sperare possum, tot opprobriis et'conviciis tempore triennalis cohabitationis a marito affecta, qui pro-