102. Ad B. Mariam V.

1. Regina coeli, laetare,
Quia virgo es et mater,
Istud donum singulare
Dedit tibi Deus pater.

2, Ob tuam bumilitatem
Deus tibi magna fecit,
Qui per suam caritatem
Salutem nostram perfecit.

3. Omnia per te refecit
In magna sapientia
Hostesque mortis ejecit
Cum ipsorum familia.

4. Totus mundus mancipatus
Erat morti culpae gravis,
Sed est per te liberatus,
O Maria, vitae clavis.

5. Et vacuae coeli sedes
Hominibus jam replentur,
Per te, virgo, cujus pedes
Adorari promerentur.

6. Per te cuncta renovata
Sunt in terris et in caelis,
Remedia dantur grata
Percussis bostium telis.

7. Per te, certa spes veniae,
Mox parcitur poenitenti
Et palma multae gloriae
Datur mundum devincenti.

8. Numquid ergo non juvabis
Tibi sese commendantem?
Immo, si vis, liberabis
Quotidie me peccantem.

9. Qui perpetro quotidie
Mala nequam innumera,
Absolvas me, fons gratiae,
Tua prece vitifera.

10. Et in laude sancta Dei
Sic hodie proficiam,
Quod oculi fine mei
Videant ejus gloriam.