GALTELLlNOREN. 105

rum 30 Maii 1830, in qua proposito dubio: An reservatum sit canonico hebdomadario ius benedicendi cadavera paro- chianorum respondit : Affirmative iuxta consuetudinem im- memor abilem.

Post haec frustra apponi adnotant resolutiones S. C. C. in Sublacen. die 18 Septembris 1824 sive quia pro cathedralis Sublacen. canonicis haud militabant rationum momenta in casu allata, sive quia huiusmodi resolutiones nullius effica- ciae et roboris evaserunt.

Quarto ad trutinam revocant dependentiam, qua erga pa- rochum obstringuntur beneficiati vulgo domieri,, ac illam coarctant, iuxta Apostolicam Constitutionem et executoriale decretum,. ad ea quae curam animarum et parochiale mini- sterium pertingunt. Perperam igitur, aiunt, hodiernus paro- chus eos sibi in omnibus subiectos vellet ut forsan sensim sine sensu uti proprias sibi vindicaret functiones illas eccle- siasticas, quae independenter ab eo beneficiarii in filialibus ecclesis celebrare solent. Hoc autem aperte evinci putant tum ex compromisso inter Apostolicum Administratorem et Capitulum initum, cum etiam ex reliquis documentis sacras functiones respicientibus, quae superius fuerunt allata.

Demum probare satagunt eosdem beneficiarios haud te- neri ad coadiuvandum parochum in Evangelii praedicatione et in Catechesibus instructionibus, adducentes Conc. Triden- tinum, Sess. XXIV cap^ VII De reform, ubi districtis verbis huiusmodi onus imponit parochis tamquam per se peragen- dum: quod relate ad parochum Galtellinorensem Gregorius XVI expresse firmavit. Censent igitur oratores nullo pacto posse parochum huiusmodi obligationem in beneficiarios tran- sferre, nisi iuri communi et particulari dioecesis legi vulnus inferatur.

In cuius rei confirmationem adducunt praxim hucusque inibi servatam, eamque ex testibus omni exceptione maiori- bus probari dicunt. Idcirco verba referunt tum Gabrielis Cucca annorum 67, tum sacerdotis Ghironi beneficiarii cantoris Cathedralis in aetate 73 annorum constituti, qui insuper