VLADISL AVIEN. 105

potuerit, ut homo sexagenarius adulescentulam 21 annorum, viribus valentem comprimere, constuprare valeat et basia figens, os obturare atque impedire quominus clamaret. Nec intelligit quomodo fieri potuerit ut innocens puella, dum plane evanuit, adverterit, « copulam hanc fuisse prorsus ta- lem, qualem postea maritus, ita illa, mecum exercebat, et aptam, quae me impraegnaret ».

Ulterius ; patrati criminis locum Philippina in libello supplici ita designat : « Quadam die eduxit me (Ignatius) ultra pontem in silvam, ubi in colle mediocriter a via di- stante consedimus ». Iudiciali autem in examine dicit : « Actus concubitus locum habuit in silva, ultra Vistulam sita, a sinistris viae stratae ducentis versus Bobrowinski, in con- valle, ubi tres quercus simul crescunt ». Collis atque con- vallis non una profecto eademque res est: nec facile indu- citur ut credat lapsum linguae, aut labilem Philippinae memoriam: credet potius in colle quercus desiderari arbo- res ve ob tegentes.

Tametsi, ita matrimonii vindex, Philippina seu potius i i , quorum consilio Philippina utitur, non ignorant quod nisi hoc facinus publicum et notorium fuerit, aut idoneis testibus comprobatum, matrimonium occasione illa, impetere non permitti ab Alexandro III in cap. De eo qui cogn. con- sang., etc. ; quocirca tres testes, quorum alter, pretiosior, mortuus est, in medium affert Philippina.

Duorum testium recitatis depositionibus, notat Orator, non mirabitur nemo consonantiam testium, sobrietatem simul sermonis et luculentitatem. Profecto circumstantias temporis, horae, loci aliaque adiuncta uterque iisdem ferme verbis enarrat. Non deprehendes silentio praeteritam circumstan- tiam, quae ad rem facere possit. Speciminis ergo : Ioannes cum praemisisset se non nisi a facie Philippinam et Igna- tium cognoscere « noveram ex visu, ut omnino in parvo oppido cuncti fiunt noti », sapientissime adiicit : « stans pro- xime, non potui falli quoad identitatem personarum Ignatii et Philippinae ». Item Maria cum praemisisset : « Noveram