REGIEN. 105

nullum ; nam Vicarius Generalis beneficium erigere decla- ravit sua auctoritate ordinaria ; et Capituli consensum exquirere neglexit.

Parochus Ecclesiae, dell'Ospizio, aliquandiu acquievit, sed postea, ait ille, maxime commotus ab instantiis suorum parochianorum petitionem obtulit Episcopo, ut Canonicos adigeret S. Prosperi ad sinendum, illum possessionem capere beneficii canonicalis ; et Episcopus commissionem constituit trium Sacerdotum, qui re penitus examinata suam aperirent sententiam ad sternendam viam amicabili negotii composi- tioni. Votum commissionis fuit favorabile parochi desiderio.

Cum parochus rescivisset sibi favorabile fuisse suffragium commissariorum recursum habuit ad Sacratissimum Princi- pem, ut possessio canonicatus sibi adiudicaretur, in supplici libello haec referens quoad conditionem fundi beneficialis oeco- nomicam. « Ora qui si aggiunge che il sopradetto passivo è pienamente pareggiato dall' attivo che si ritrae dai no- tati beni immobili senza nulla detrarre dalla rendita della dote ». Scitu autem necessarium est aes alienum ad libel- las 13,000, uti referunt canonici, contractum fuisse a pa- rocho decessore, idemque onerare utriusque beneficii bona.

Item adverti debet, hodie reditus beneficii canonicalis a parocho retrahi, et iure meritoque hoc fieri contendunt ipsi Canonici, advertentes, iam executionem nactam fuisse postremam voluntatem piae insti tu tricis quae, suppresso ca- nonicatu, statuit huius bona accessura fore doti Ecclesiae parochiali.

Quare modo quaeritur an canonicatus adhuc vigeat, eius- que iura et officia parocho competant. Episcopus de suo voto requisitus, permultis praemissis animadversionibus, cen- suit, canonicatum etiam nunc exsistere, quamvis eius redi- tus imminuti fuerint variis de causis, sed paroeciam et be- neficium istud difficile in una persona componi posse ; quamvis fundatrix dispensaverit canonicum a residentiae onere.