103. Hymnus alius super eodem.

1. In homine calamitas,
Hic semper miser geritur,
In Deo omnis sanctitas,
Per eum virtus cernitur,
In Deo est sublimitas,
Per eum caelum scanditur.

2. Altissimi benignitas

Est cunctis, quando petitur,
A Deo omnis puritas
Et omne sanctum quaeritur,
A Deoque nativitas
Et omnis vita sequitur.

3. Ab otio mendicitas,

Et, quod differtur, tollitur,
Puniturque temeritas,
Occultum quid detegitur,
Excusatque necessitas,
Quis natus certe moritur.

4. In Deo sit iucunditas
Durabit, non conteritur,
Qui Deo solvit decimas,
Laudaturque diligitur,
In homine sobrietas
Satis laudanda creditur.

5. In homine ebrietas
Ut vitiosa spernitur,
Placebit quidem largitas,
Si competens perficitur,
Quem occupat infirmitas,
Putamine decipitur.

6. Exaltat quem humilitas,
Superbus quis deprimitur,
A deo est fertilitas,
Ex gratia conceditur,
Quandoque, vae, sterilitas
Propter peccata oritur.

7. In Deo est infinitas,
Dat ipse, quando petitur,
In homine mortalitas.
Et hic ad mortem nascitur,
In homine fragilitas,
In cinerem revertitur,
Est homini tranquillitas.
Si Deo hic convertitur.