102. De Beata Maria V.

1. Ave, rosa speciosa,
Salve, rosa gloriosa,
Ave, candens Ulium.

2 a. Salve, lucerna virginum
Et caeli luminarium,
Auxiliatrix omnium
Ad te fugientium,
Salva nos in perpetuum.

2 b. Ave, paradisi porta,

Per quam vera lux est orta,
Ad caelum, [tu nos conforta],
Per te perveniamus,
Per te nos introeamus.

3 a. Salve, spes tu miserorum,
Ave, salus infirmorum,
Maestorum consolatio,
Perditorum recuperatio.

3 b. Veniam peto, domina,
Tu sis mihi propitia,
Ut te laudare valeam
Et cum sanctis permaneam.

4 a. O gloriosa domina
Et angelorum regina,
Precare tuum filium,
Qui salus est humilium,

4 b. Ne nos pro nostro vitio
Dimittat in supplicio,
Sed tuis sanctis precibus
Mundemur cunctis sordibus.