106 ASCULANA PICENI SEU FIRMANA

Verum S. H. C. omnibus perpensis, e re sua esse censuit, propter temporis angustiam, in tali negotio sese non immi- scere; hinc statuta die ad Prioris et Officialium electionem deventum est ; quae tamen ab irregularitatibus haud immunis fuisse videtur.

Qua de re die 17 Iunii 1883 Episcopus totum negotium ad H. S. C. denuo remisit, enixis precibus expostulans, ut rem quantocius definire dignaretur.

Novis Episcopi precibus acceptis, S. H. O. die 30 Iunii eiusdem anni respondit opportunius esse, ut Episcopus ipse- met quaestionem definiret iuxta Const. Clementis Vi i i quae incipit Quaecumque et statuta atque decreta synodalia, prae oculis quoque habitis decretis in Confraternitatis erectione anno 1776 ab Episcopo Leonardi editis.

Hoc responsum haud arrisit Episcopo, qui idcirco aliquan- tulum supersedere satius esse iudicavit. Verum manu tangens sodalitii res in dies in pessimi ruere; suae Dioecesis Vicario generali indixit, ut mox citatum H. S. C. rescriptum diei 30 Iunii 1883 executioni demandaret.

Episcopi mandata Vicarius generalis faciens, praemissis quae de iure praemittenda erant, in Consilio generali diei 29 Iunii 1884, antequam ad novi Prioris et Officialium electio- nem procederetur, decretum edidit, vi cuius Eleucadius inter Confratres iterum connumeratus fuit; Confratres Ambrosi et Plebani per tres annos a voce tum activa tum passiva sus- pensi fuerunt ; Confrater vero Formica a sodalium catalogo expunctus fuit. Praecepit insuper ut electiones protraheren- ter usque dum notum fuisset, quinam essent Confratres, quibus eligendi ius competeret.

Ab huiusmodi decreto illico appellatum simulque petitum fuit, ut causa apud S. Congregationem avocaretur, ex eo quod Curia episcopalis, iudicium ferre haud valebat super negotio, cuius magna pars fuerat.

Hoc habito libello, die 13 Iulii 1884 Archiepiscopo Fir- mano iussum fuit, ut causam Ipse, ceu primae instantiae iudex definiret. Quod mandatum die 14 Aprilis 1885 eidem reno-