103. De Beata Maria V.

1. Ave, virgo virginum,
Ave, lumen luminum,
Ave, plena gratia.

2 a. Ave, salus hominum,
Portans regem Dominum,
Ave, stella praevia.

2 b. Ave, nostrum gaudium,
Ave, spes credentium,
Peccatorum venia.

3 a. Ave, vena veniae,
Ave, mater gratiae,
Hostium victoria.

3b. Ave, porta gloriae,
Hos misericordiae,
Ave, fraudis nescia.

4 a. Ave, mundi gloria,
Sanctorum laetitia;
Ave, per quam gaudium
Speramus caelestium.

4 b. Ave, virgo celebris,
Lux lucens in tenebris ;
Ave, lumen cordium,
Ave, candens lilium.

5 a. Ave, pia,
Ave, via,
Ave, vitis,
Ave, mitis,

Ave, suavissima.

5 b. Ave, parens,
Labe carens,
Ave, rosa,
Speciosa,

Ave splendidissima.

6 a. Ave, virgo singularis,
Ave, stella clara maris,
Ave, carens simili.

6 b. Ave, mater, lux solaris,
Ave, quae cunctos solaris
Hoc in mundo flebili.

7 a. Ave, decus angelorum,
Ave, salus miserorum,
Ave, per cuius filium
Datur mundo remedium.

7 b. Ave, virgo, fons hortorum,
Consolatrix miserorum,
Ave, nostrum refugium,
Plena bonorum omnium.

8 a. Ave, decus castitatis
Ave, mater pietatis,
Ave munda
Et fecunda,

Ave, lux caelestium.

8 b. Ave, templum puritatis,
Ave, scala claritatis,
Ora natum,
Ut optatum

Nobis donet praemium.