S. Congregatio pro Ecclesia Orientali 1 0 7

adhaeserunt eamque gloriosa Martyrum cohorte saepe comprobarunt, obla-

tas preces libenter excepit, ac propterea, vi praesentis Sacrae Congrega-

tionis pro Ecclesia Orientali decreti, benigne statuit, ut Armeni Episcopi

in Urbem convocentur, prout de facto convocantur, ad conventum iuxta

ipsorum vota habendum, in quo de iis quae spectant ad bonum atque incre-

mentum Patriarchatus Armeni agant et decernant, quae dein erunt Summo

Pontifici subiicienda, ut Sua adprobatione firmentur.

tJt autem memoratus conventus laetis faustisque incipiat auspiciis,

Sanctitas Sua mandat, ut idem initium habeat die vi mensis Maii, qua

Apparitio Ssmae Crucis in Ierusalem ab Armenis hoc anno solemniter

recolitur. Iidem igitur Episcopi tempestive romanum iter aggrediantur,

ut statuta die consessui interesse queant, qui, divina opitulante gratia, in

optatum religionis incrementum profecto erit cessurus.

Contrariis quibusvis non obstantibus, etiam speciali mentione dignis.

Datum Romae, ex aedibus Sacrae Congregationis pro Ecclesia Orien-

tali, die 25 Februarii anno 1928.

A . C A E D . SINCERO, Secretarius.

L. © S. H. I. Cicognani, ad interim Aas.

II

MONITUM

Pluries relatum est Sacrae Congregationi pro Ecclesia Orientali quos-

dam-qui Orientales se profitentur, aut etiam, falso nomine exhibito, ad

Clerum orientalem se pertinere dictitant, huc et illuc per Italiae dioe-

ceses et exteras regiones pervagari, pecuniam colligendo vel et Missarum

eleemosynas expostulando.

Iidem, quo facilius bonam fidem aliorum decipiant, solent quidem exhi-

bere scripta et documenta, - quandoque photographias, - quae sibi prodita

a Praelatis asserunt; quaeque vero aut apocrypha inveniuntur, aut ad

alium finem obtenta.

Sacra itaque Congregatio pro Ecclesia Orientali declarat ac monet

neminem a se facultatem habere pecuniae emendicandae nec non stipes

Missarum colligendi; et ad tantam audaciam compescendam, et potissimum

ad tutandam dignitatem et bonam famam Orientalium, praesertim sacerdo-

tum, rursus urgere satagit locorum Ordinarios ut advigilent, ne parochi, reli-

giosarum domorum Superiores, ipsique fideles ab hisce pecuniae collectori-

bus decipiantur, neque eos recipiant, neve, eo vel minus, Missas celebrandas

illis tradant, graviter onerata conscientia pro Missarum satisfactione.