LITTERAE APOSTOLICAE 107

aut Successores Nostros Bomanos Pontifices in posterum erigendae, auctoritate Apostolica tenore praesentium instituimus, facimus ac declaramus, eidemque sedes episcopales tres, nempe duas, quas novas erigimus in civitatibus Banialuco et Mandetrio, vulgo Mostar, et aliam iam erectam Mercanensem et Tribuniensem, quam Episcopus Ragusinus donec aliter provideatur administratoris titulo procura- bit, tamquam provinciales adsignamus, addicimus, attribuimus ; earum vero Episcopos pro tempore existentes in Archiepiscopi Werhbosn ensis suffraganeos, qui iuri eius archiepiscopali et me- tropolitico subsint, accensemus, ac huiusmodi Ecclesiarum clerum populumque xmiversum, quorum causae ad memoratum Archiepisco- pum iuxta sacrorum statuta canonum referantur, ipsi Archiepiscopo quoad archiepiscopalia et metropolitica iura pariter subiicimus. Quod autem pertinet ad novam dioecesim Mandetriensem, cuius in finibus civitas Dumnensis est, vulgo Davno, quam veteres Delminiumdixere, unde Dalmatarum nomen est ortum, Nos ratione habita eam urbem cum circumiectis oppidis, ut vetera monumenta tradunt, episcopalis sedis, quae Dumnensis seu Dalmatiae vocabatur, dignitate obti- nuisse (1), volumus et mandamus, ut Episcopus Mandetriensis Dum- nensi etiam vel Dalminiensi titulo, quo illustris illius cathedrae memoria in posteris vigeat, perpetuo utatur ac decoretur.

Agentes autem de finibus, quibus novae dioeceses, quas supra memoravimus, contineantur, eos in hunc qui sequitur modum sta- tuimus, assignamus et circumscribimus, et ab omnibus perpetuo ac inviolabiliter servari iubemus atque mandamus: nimirum archie- piscopalis sedes Werhbosnensis eum Bosniae tractum complectetur, qui ad septemtriones, qua Savum fluit, ab ostiis fluminis Verbitzae ad fauces Drini patet. Ad occasum partem illam, quae Verbitza alluitur, ab huius ostiis ad Dolnje-Skoplje, atque hinc meridiem versus ad montes Dinaricos, quibus Bosnia ab Herzegovina dirimitur. Fines ad austrum ii erunt, qui a Suica ad oram, qua Rama in Na- ronem labitur, inde a Narone ad G-lavatioevum, inde a Glavaticevo orientem versus ad Drinum, inde a Drino ad fluvium Limum per- tinent. Postremo ea pars, quae fluviorum Limi et TJvaci cursu continetur. Limites ad ortum ea parte definientur, quae ab TJvaco fluvio ad montem Ivicam, a Drino usque ad ostia huius amnis pro- tenditur.

Paroeciae autem, quae in descriptis finibus locum obtinent, sunt quae sequuntur:

(1) Cf. s. Gregor, m. lib. 1, ep. XXXVIII.