VL A.DISL A.VIEN. 107

suo qui Philippinae reluctationem viderunt, quaenam nasci exinde poterat causa sive aversionis in miserrimam Philip- pinam, sive contemptus?

Sed vero ut ictu velut oculi perspiciatur qui sit huius- modi testibus veritatis amor, refert verba Mariae, quae pri- mum iurat : « Scio actricem excitasse processum de irritando coniugio ex titulo affinitatis, de qua edocta sum anno 1879 et 1880... quanquam iam antea post ipsum factum noveram inter actricem et eius maritum existere affinitatem ». Deinde testatur: «Lecta mihi, post clausum protocollum, deposi- tione, significo, me annis 1879-80 cum actrice collocutam esse de ipso lapsu eius, solumque hoc factum mihi notum fuisse, quin sciverim, ex eodem profluere nullitatem coniugii Philippinae, vel inter eos ortam esse affinitatem , denique de huiusmodi affinitate me cognovisse in initio huius pro- cessus ».

Risum vero, ni stomachum oratori movet Mariae soror, dum recitat a matre ira excandescente quod sola cum viro deambulatum ivisset, audivisse « personam probam factam esse victimam libidinis senis Ignatii, patris mariti sui dum solum cum ea trans Vistulam spatiatum profectum esset. Et, addit, quum, aestuans indignatione, negassem, me huic narrationi fidem praebere, mater dixit, se id a fratre meo Ioanne scire, soror vero Maria, quae nobiscum aderat, adiecit, rem veram esse, quia ipsa immediate vidisset vim ab Ignatio Philippinae illatam ».

At defensor vinculi exorat, ut advertatur testem hanc ad examen adductam esse die 27 Octobris 1892, Philippinam autem causa in altero iurisdictionis gradu cecidisse die 7 Maii 1888. Quocirca mulier ista testis est a Philippina inductus postquam Philippina, attestationibus publicatis, sus- que deque rimata fuerat. Iam vero auctore Clemente V in cap. 2 Clementina?"•. de test.; testibus rite receptis et eorum attestationibus publicatis, subornatio timenda est. Quae sub- ornatio testium timenda omnino est, non solum quia testes, quibus Philippina assertum stuprum astruere per tentat, de-