104. De Beata Maria V.

1 a. Casta mater, virgo Dei,
Decus mundi, lux diei,
Angelorum gloria;

1b. Porta patens, aula caeli,
Quae fideli Gabrieli
Credidisti nuntia.

2 a. Deo patri placuisti,

Dum ancillam te dixisti,.
Virgo clementissima.

2b. Salvatorem concepisti,
Et intacta permansisti,
Virgo prudentissima.

3 a. Regem regum tu Iactasti,
Hic te fecit, quem portasti
Tuis in visceribus.

3 b. Inter omnes collaudans,
Benedictaque vocaris
Tu in mulieribus.

4 a. Fidem sola conservasti,
Morientem, quem portasti,
Dum vidisti, Maria;

4b. Temporalem pertulisti

Mortem, virgo, dum vidisti
Vexilla regalia.

5 a. Virgo, mater pietatis,
Fidem sanctae trinitatis
In nobis corrobora,

5 b. Ne per sensus naturales
Inimici spiritales

Nostra premant pectora.