108 Acta Apostolicae Sedis - Commentarium Officiale

nies catholica catechesi ac pietatis sensibus imbuta. Mirum est quanto-

pere adlaboraverit, ut in primis minuta plebs fidei rudimentis in strue-

retur, et tenerae puellarum mentes religionis studio succenderentur.

Salutare autem hoc opus perenne vel diu esse mansurum voluit, Filia-

rumque a Caritate Institutum condidit, quod hodie ad Sinense quoque

Imperium diffusum feliciter est.

Integritate vitae Ven. Serva Dei excelluit: nihil in ea umquam anim-

adversum quod ad pudoris normam non foret, nihil quod ab honesti

rectique legibus vel minimum abesset. In virtutibus excolendis tanta

alacritate incessit, ut in omnibus haberetur veluti absolutum religiosae

perfectionis exemplar. Ad instar bonitatis divinae, quae, miserta omnium'

eadem omnibus gremium pandit liberalitati^ suae, caritate sua omne

hominum genus complectebatur, cunctorum maiorum remedium afferre

studuit, dulcissimamque sui memoriam etiam in nosocomiis reliquit.

Quo factum est ut de Caelitum honoribus Ven. Famulae Dei comparandis

studium, post eius obitum, exarserit, conditisque episcopalibus inquisi-

tionibus, anno 1877, post opportunam disceptationem, signata est Com-

missio introductionis causae verenda manu Pii sac. mem. Papae I X .

Absolutis subinde cunctis, quae sacrae leges perfici iubent, coepta est

disquisitio super virtutibus in specie anno 1905, quam secuta est quatuor

post annos Congregatio Praeparatoria. Haec autem, pro maiore causae

perspicuitate, bis instaurata est; novissime vero comitia generalia coacta

sunt coram Sanctissimo Domino nostro Pio Papa' X I , in quibus Emus

Cardinalis Caietanus Bisleti, causae Ponens, sequens dubium ad discutien-

dum proposuit: An constet de virtutibus theologalibus Fide, Spe et Caritate

in Deum ac proximum, nec non de cardinalibus Prudentia, Fortitudine 'et

Temperantia, earumque adnexis Ven. Servae Dei Magdalenae Marchio-

nissae de Canossa, in gradu heroico, in casu et ad effectum, de quo agitur;

Reverendissimi Cardinales et Patres Consultores suffragia singuli tule-

runt; quae intento animo prosecutus est Beatissimus Pater, atque aperte

significavit, quaenam foret de re sententia sua; decretorium tamen iudi-

cium ferre distulit, ut precibus uberior superni luminis copia impetraretur.

Auspicatissimam vero hodiernam diem, qua tres sapientes Deum pue-

rum, stella duce, adoratum perrexerunt, designavit, atque, salutari Hostia

devotissime oblata, ad se acciri iussit Revmos Cardinales Antonium Vico,

Episc. Portuen. et S. Rufinae, S. R. C. Praefectum, et Caietanum Bisleti,

causae Relatorem, una cum R. P. Carolo Salotti, S. Fidei Promotore

generali, meque infrascripto e secretis, iisque adstantibus, Pontificio solio

assidens solemniter pronunciavit: Constare de virtutibus theologalibus Fide,

Spe et Caritate in Deum ac proximum, nec non de cardinalibus Prudentia,