108 De causa Beati Eugenii III

Eiusmodi sententia confirmari debuerat a S. R. C. atque

inde a Romano Pontifice. Quare omnibus actis ad S. R. C.

transmissis, causa de more proposita est, quemadmodum per

summa capita refero.

Vitae delineamenta. Servus Dei in oppido Montis Magni in Pisana dioecesi natus est: quomodo in prima iuven-

tute se gesserit, latet. Sed clericali militiae addictus et pre-

sbyterali ordine initiatus inter Canonicos Pisanae dioecesis coop-

tatus est. Doctrina et virtutibus praeditus Dignitatem habuit

Vicedomini, cuius grave officium erat bona dioecesis loco Epi-

scopi administrandi et tuendi.

Anno 1134 S. Bernardo Pisas veniente, se huic ut disci-

pulum adiunxit et in Claravalle monasticum habitum induit,

atque inde varia huius monasterii munera obivit. Cum nova

coenobia erigi deberent, Abbas fuerat designatus pro Faba-

rensi coenobio; sed Divinae Providentiae consilio factum est,

ut non in eo coenobio praeficeretur, sed in alio prope almam

Urbem id est ad Aquas Salvias, quod titulum habet a Sanctis

Vincentio et Anastasio.

Ea aetate Arnaldus Brixiensis civili dominationi Romano-

rum Pontificum insidiatus atque ab Innocentio II damnatus se

in Galliam receperat usque ad mortem Caelestini II. Lucio II

Pontifice, iterum Romanos ad seditionem concitavit; quam ut

sedaret, Lucius milites collegit, sed Capitolio proximus lapide

percussus denique obiit.

Cum Ecclesia in his difficillimis rebus Pastore viduata

esset, successoris electio summopere urgebat. Cardinales die

27 februarii 1145 unanimi suffragio in Pontificem elegerunt

praeter morem Abbatem ss. Vincentii et Anastasii ad Aquas

Salvias, qui licet invitus, Summus Pontifex factus, nomen

Eugenii assumpsit.

Ab ipso creationis exordio ob civium factiones, qui eius

electionem infirmare nisi sunt, si civili Principatui non renun-

ciáret, ab Urbe recedere coactus in arcem Monticelli se recepit,

ex qua venit Fabarim, et ubi prima Dominica martii coram