VLADISL AVIEN. 109

esse rationem principalem, quae actricem ad movendum pro- cessum impulerit ? » testes omnes reposuerunt : - nihil novi, nihil scio.

Ulterius, ait defensor vinculi : inverisimile imaginem falsitatis praesefert, Rota dec. 535, n. 81, part. 14 recent. At veri prorsus absimile est Ignatium cum Philippina unam carnem effectum esse, cum constet neminem ex propinquis, affinibus ac familiaribus eos, etsi Ignatius Philippinam a teneris unguiculis ob oculos habuerit, unquam iusto nimium familiariter inter se conversantes deprehendisse. Siquidem testes septimae manus singillatim percontati a iudice : « No- stine aliquid, quod ad hanc causam referatur » una voce responderunt : « Nihil amplius habeo quod dicam ».

Quae cum ita sint, nihil faciendum esse orator autumat Mtochi depositionem : « Observavi (ita ille) insolitum affe- ctum avunculi mei Ignatii, patris Boleslai erga Philippinam, adeo ut vice quadam ad me dixerit si non fuisset coniugatus Philippinam futuram fuisse non nurum, sed uxorem suam ». Ecquis facile inducitur ut credat hominem sexagenarium, coniugatum sommasse puellam 21 annos natam matrimonio sibi coniungere ? Ceterum Sigismundus, dum inquit : - Ob- servavi insolitum affectum - aerem verberat, non facta pro- fert. Deprehenditne aliquando Ignatium Philippinae illa amo- ris argumenta in occulto exhibere, quae in publico minime auderet? Ad haec et ipse Sigismundus absque ambagibus respondet : « Nihil amplius habeo quod dicam ».

Finge tamen, prosequitur defensor, senem illum Igna- tium, amori, momento temporis perruptis fraenis, in vitam iuvenem compressisse : adhuc res esset de impedimento pror- sus occulto. Age modo : impedimenta occulta relaxan tur ta- bulis ad futuram rei memoriam minime asservatis, testibus remotis arbitrisque. Iure praesumitur factum quod faciendam erat. Si Philippinae cum Boleslai patre concubitus somnium aegrae mentis non est, Philippina in confessionis Sacramento spirituali medico illum revelare dubio procul debebat. Nemo unus adeo impius est ut suspicetur, Philippinam confessario