106. De Beata Maria V.

la. O Maria,

O felix puerpera,

Mater pia,

Cuius suxit ubera,
Qui creavit sidera ;

Munera

De te fluunt dulcia,
Spiritus sancti cratera.

1b. Aqua viva,

Clausa semper ianua,
Progressiva

Stella, non occidua,

Ficus, sed non fatua;
Rigua

Paradisi pascua,

Balsamus, murtus, oliva.

2 a. Ioseph spica,

Hamus, de qua vipera,
Per quam sicca
Ionae parit hedera,
Sanans anguis vulnera,
Pertica,

Funda tu Davidica,
Pariens cedrum myrica.

2b. Salomonis

Thronus es eburneus,

Visionis

Electrinas urceus,
David sitim satians

Patens,

Ta septenus cereus,
Radians septenis donis.

3. Iacob scala,

Fac me caelum scandere,

Mundi mala,

Carnem, satan fugere,
Tollens Evae miserae

Scandala,

Pietatis ubere
Gratiae fove sub ala.