101. Pro Vacatione in Natali Domini.

1. Magistrorum omnium

Decus speciale,
Adelphe, per studium

Nomen immortale,
Accipe scholarium

Turbae pressae male,
Quae, tibi quod mittit,

non habet ipsa, Vale.

2. Turba tuorum
Discipulorum,

Quae grave nutat,
Quae studiorum
Continuorum

Mole volutat,
Scribit honorum
Carmen sonorum

Teque salutat.

3. Doctor sagax studio,

Sagax lege dia,
Sagax in quadrivio

Triviique via,
Cui non fit deceptio

Nec falsigraphia,
In cuius gremio

requiescit philosophia.

4. Doctor, cuius caritas

Longe dilatatur,
Cuius generositas

Vix enumeratur,
Tua nunquam probitas

Nec laus corrumpatur,
Quam labor et gravitas

operandi continuatur.

5. Lux subit, ecce, Dei,

lux festa, dies requiei;
Quaeque dies isti

cedit, quia natio Christi.

6. Mare, tellus, sidera,

Gaudia habete,
Homo, gaude, vetera

Prorsus pelle de te
Et curata cetera

Laetitiam pete;
Prospera lux oritur,

linguis animisque favete.

7. Quam dulce colloquium
Fuit et quam vernum,
Per quod virgo filium
Concepit paternum

Et sensit officium
Intacta modernum,

Solem iustitiae,

regem paritura supernum.

8. Paris ergo mentibus

Et plausu canoro
Psallamus in domibus

Linguis et in choro,
Sed quibus te laudibus

Efferam, ignoro,
Femina, caelesti

digna reperta choro.

9. Stella, maris
Expers paris

Contra iuris regulam
Deum paris,
Virgo, paris

Inexperta copulam.
Homo, fraude
Pulsa gaude,

Deo praebe gloriam,
Mente plaude,
Ut de laude

Consequaris veniam.

10. Istud est sollemnium,

In quo contra morem,
Virgo, parientium

Non passa dolorem
Peperisti filium,

Deum genitorem,
Ad laudem Domini

nostrum ditantis honorem.

11. O mira festivitas

Domini natalis,
Qua peperit castitas

Deum virginalis,
Particeps virginitas

Fit vitae carnalis,
Decet in hac solitis

poena carere malis.

12. Ergo parce miseris,

Magister perite,
Miserere miseriis

Aliorum rite,
Et si nobis dixeris

Licitum dans Ite'',
''Detur inoffensae

tibi metas tangere vitae.

13. Petimus licentiam
Imminente festo,
Relaxa familiam

Cum vultu modesto,
Ad misericordiam

Dandam pius esto,
Fac modo iustitiam

tibi nam, sunt munera
praesto.

14. Si dederis licitum

pueris, mercede frueris
Et, si forte negas,

sis certus, quod punieris.