102. (4.) Salutatio sanctae Mariae.

R Ave, sponsa insponsata,

1. Ave, per quam orbis lapsi

facta est ereptio,

Ave, per quam occumbentis

est Adae surrectio,

Ave, per quam primae matris

est Evae redemptio.

2. Altitudo cogitandi

tu inascensibilis,

Invisibile profundum

angelorum oculis,

Chere kecharistomene

theotocos parthene.

3. Omnia portantem portans

solium imperii,

Tu stella demonstrans solem,

sol diei mystici,

Occidentis astrum mundi

luminis conspicui.

4. Incarnationis divac

uterus tu facta es,

Per quam renovatur omnis

creaturae species,

Cum qua adoratur factor

et origo omnium.

5. Tu exstas initiatrix

arcani consilii,

Mirandorum vere Christi

operum primitiae,

Dogmatum illius exstans

tu fons et initium.

6. Scala tu caelestis, per quam

descendit ipse Deus,

Sponsa transducens terrena

super ad caelestia,

Tu mater innupta, omni

honore superior.

7. Daemonum forte lamentum,

maeror et tristitia,

Angelorum sed bonorum

laus, decus et gloria,

Electorum tu cunctorum

satias laetitiam.

8. Generans lucem perennem

et inascensibilem,

Sophorum superascendens

omnium scientiam,

Animarum tu sanctarum

splendor et prudentia.

91 Civicam vitae coronam

fructu ventris germinans,

Possidens divinitatem

et in ea pullulans,

Nutricans humanitatem

et eam agricolans.