111.

1. Puer natus in Bethlehem,
Inde gaudet Jerusalem ;
Assumpsit carnem filius,
Verbum patris altissimus ;
Cognovit bos et asinus,
Quod puer erat Dominus.

R Natus est nobis parvulus,
Jesus, Mariae filius.

2. Nos ergo natum parvulum
Nostrum noscamus Dominum,
Firmissime cognoscamus,
Quod hic puer est Dominus,
Cujus pater ingenitus
Et ipse unigenitus.

3. In Christi natalitio
Exsultet nostra concio,
Natus est Dei filius,
Exsultet coelum laudibus,
Et nos gaudenter psallimus,
Quem Christum natum credimus.

B? Natus est nobis parvulus,
Jesus, Mariae filius.

4. Patri, nato, paraclito
Pangamus corde inclito,
Regi nato concinimus
Ipsumque benedicimus,
Sit benedictus filius
Et virgo mater ipsius.

5. Nato Dei altissimo
Benedicamus Domino,
Sit benedictus Dominus
Cum suis sanctis omnibus,
Et nos, qui natum colimus,
Benedicat altissimus.

Antiph. ras, Bobbiense saec. 13. Cod. Taurinen. F I 4.