108. Ad B. Mariam V.

1. Ave, fons clementiae,

Virgo fecundata,
Summae sapientiae

Nutu fabricata,
Radix pudicitiae

Nunquam inquinata,
Gaude, plena gratiae

Regina beata.
2. Ave, spes fidelium,

Fons humilitatis,
Salutis exordium,

Norma sanctitatis,
Domini sacrarium,

Templum deitatis,
Dulce refrigerium,

Flos virginitatis.
3. Ave, mel dulcedinis,

Morum disciplina,
Nitor pulchritudinis,

Rosa sine spina,

Lux beatitudinis,

Stella matutina,
Turris fortitudinis,

Vitae medicina.
4. Salve, felix femina,

Fulgens stella maris,
Angelorum domina,

Virgo singularis,
Mundi mundans crimina,

Portus salutaris,
Cor meum illumina,

Lux clara solaris.
5. Salve, vas munditiac,

Continens unguentum,
Veteris malitiae

Comprimens fermentum,
Origo laetitiae,

Vitae fundamentum,
Tuae nobis gratiae

Confer incrementum.

6. Salve, pacis vinculum,

Virgo generosa,
Caritatis speculum,

Ut sol luminosa,
Christi tabernaculum,

Mater gloriosa,
Tuum serva servulum,

Gemma pretiosa.

7. Gaude, laus et gaudium,

Lux jucunditatis,
Domini triclinium,

Thronus majestatis,
Rosa, flos et lilium,

Domus ubertatis,
Placa nobis filium,

Mater pietatis.

8. Gaude, virgo nobilis,

Mater salvatoris,
Laus nostra laudabilis,

Speculum decoris,
Flos incomparabilis,

Thalamus pudoris,
Pia, mitis, humilis,

Salus peccatoris.

.9. Gaude, virgo virginum,

Per quam lux est orta,
Verus splendor ordinum,

Felix coeli porta,
Consolatrix hominum,

Quaeso, me conforta,
Sursum ante Dominum

Precem meam porta.

10. O nova puerpera,

Gratiae lucerna,
Juvare me propera,

Domina superna,
A culpis me libera,

Veniae pincerna,
Me Christo confoedera,

Me semper gubema.

11. O virtutum regula,

Genitrix benigna,
Florens Jesse virgula,

Jugi laude digna,
Solve culpae vincula,

Me tibi consigna,
Cuncta prece sedula

Comprime maligna.

12. O coeleste gaudium,

Puella decora,
Mortis exterminium,

Coelitus irrora,
Tuum pro me filium

Clementer exora
Et culparum omnium

Veniam implora.