RHEMEN.

I l i

INSIGNIUM CANONICALIUM

Die 23 Februarii 1895.

COMPENDIUM FACTI. Archidioecesis Rhemensis Archiepi- scopus Cardinalis Gousset, anno 1851 pro Capitulo Cathe- drali suae Ecclesiae, privilegium insignium canonicalium impetravit a Pio IX f. r., prouti continetur in sequenti Brevi:

PIUS PP. IX.

« Ad perpetuam rei memoriam. Insignia dignitatis aequo animo deferimus Cathedralium Ecclesiarum Canonicis, qui omnibus officii sui partibus ita recte funguntur, ut externis honoris insignibus adiecturi videantur interiora ornamenta virtutum, ex quibus vitae sacerdotalis vera ac germana laus existit. Quum itaque dilecti Filii Nostri Thomae S. R. E. Presbyteri Cardinalis Gousset, Archiepiscopi Rhemensis gravi Nobis testimonio constiterit, Metropolitanae illius Ecclesiae Canonicos nedum commendabili pietate, gravibusque moribus, et in explendis officiis praecipua diligentia nitere, sed vero etiam Antistiti suo omni studio adfuisse, tum in Synodo dioe- cesana, et in Concilio provinciali celebrandis, tum in omni- bus quibuscumque recens invectis institutis iuxta normam S. Ecclesiae Romanae, quae Princeps et Magistra est omnium Ecclesiarum, Nos ad preces dicti Rhemensis Archiepiscopi facile adducti sumus, ut Archidiáconos et Canonicos Cathe- dralis ipsius tum Cappa lanea magna violacei coloris, tum peculiari Cruce S. Remigii dicenda, ac supra pectus defe- renda ornaremus. Itaque omnes et singulos, quibus hae Lit- terae favent, peculiari benefìcentia prosequi volentes, et a quibusvis excommunicationis, suspensionis et interdicti, aliis- que ecclesiasticis sententiis, censuris ac poenis quovis modo, vel quavis- de causa latis, si qua forte incurrerint, huius tantum rei gratia absolventes, et absolutos fore censentes,