112 Dispensationis matrimonii

viri subactam conspexit, nova atque inopina commotione sese correptam ostendit, nullaque mora intercepta, maternam habi- tationem aestivam constitutam denuo petere impulit maritum. Rure materno per octo circiter dies, ut aiunt coniuges, vel usque ad finem dicti mensis, ut ait sponsae mater, commo- rati sunt; ac dein domum maritalem perrexerunt. Die vero 15 septembris Aemilia clam mariti domum reliquit, atque Vindobonam petiit cum Sydonia institutrice.

Fatentur coniuges ambo, hoc brevi vitae coniugalis tem- pore, matrimonium haud consummari potuisse propter Aemi- liae obstinatissimam resistentiam. Continuo enim, retulit mari- tus ipse, plorabat Aemilia, nocte adveniente ; maluitque humi cubare, quam in lecto, ut maritum devitaret.

Aemiliae mater de eiusmodi rerum statu certior facta, filiae suadere sategit ut coniugalia obiret officia; quod egerunt, quamvis frustra, quidam Sacerdos idemque Aemiliae Tutor.

Paucos ab Aemiliae fuga post dies, vir Vindobonam ivit sperans sibi uxorem reconciliare posse; sed prorsus inutiles fuerunt conatus. Proinde, omni destitutus spe, supplicem libel- lum Episcopo obtulit postulans, ut facta omnia examinarentur, ac constito de rei veritate, postea dispensationem exposceret ab Apostolica Sede.

Quum confecisset Ordinarius, iuxta instructiones datas, canonicum processum, retulit Aemiliam corporali inspectioni sese subiicere noluisse.

Disceptatio synoptica.

MICHAELIS DEFENSOR . Contendit ille demonstrare matrim monium haud consummatum fuisse; defectum corporalis inspe- ctionis non obstare, quominus dispensatio concedatur; causas dispensationis adesse.

Triplici ratione matrimonii inconsummatio probari debet; nempe per coniugum iuramentum, per septimae manus depo- sitionem, et per corporis inspectionem. Triplicem eiusmodi