112 TORTHONEN.

norum diversa peculia et benefìciatorum obligationes in eis- dem impendendis, dumtaxat innuere praestat communem esse sententiam, fructus beneficii qui supersunt congruae benefi- ciati sustentationi impendendos esse in causas pias. - Porro favor causae piae illam gignit praesumptionem, nempe bo- na a beneficiato relicta a patrimonio praebendali derivare nisi contrarium probetur. In hac praesumptione innititur Const. « Quum illud » edita a Pio IX die 1 Iunii 1847 pro decernenda hereditaria divisione Sacrorum utensilium ab Episcopis relictorum: sub parag. III enim decernitur : « Volumus praeterea teneri ac debere Episcopos conficere in forma authentica inventarium sacrorum utensilium in quo pro rei veritate exprimant, quando acquisita fuerint et speciali nota describant quae ex Ecclesiae reditibus ac proventibus sibi compararunt ne alias praesumi debeat ea omnia reditibus Ecclesiae comparata fuisse ». Hisce prin- cipiis animum conformasse videtur pius et misericors Anti- stes quum dictitaret quando in vivis agebat, se civitati « Vi- gevano » bona relicturum quae inibi possidebat, Torthonae vero bona quae ibi nactus erat. In propositum afferuntur testimonia legitime authenticata.

Neque huic legi dicendus est derogasse testator cum et Nepoti et Fratri legaverit aeris alieni apud se contracti re- missionem ; siquidem et suos inter proximos maxime recen- seri omnes norunt et nemo inficiatur quaedam bona a prae- bendae acquiri quae castrensia seu quasi castrensia nun- cupantur, quaeque cedunt in absolutam clerici proprietatem, immunem a quocumque pio onere.

Ipsam vero domus acquisitionem quod attinet haec ad- vertenda sunt. Cum primis ea videtur fuisse Legatarii in- tentio in emenda domo ut nulla requireretur Sedis Aposto- licae venia. Nam emptor non sibi rem comparare intendit, sed eamdem e faucibus redimere edacis Fisci ut causae piae restitueretur. Uti vero Fiscus domum furatus suam facere iure non potuerat ; ita emptor nihil aliud egit nisi Semi- narium redimere ab innesta vexatione. - Quare cum non