105. Pro Vacatione Paschali.

1. Ecce, dies gaudii,

Dies gloriosa,
Dies desiderii

Diesque iocosa,
In qua fuit filii

Caro pretiosa,
Crimina nostra pians,

pro peccatis operosa.

2. Mortem nobis praebuit

Morsu noxiali
Prima parens, statuit

Ligno triumphali
Mori Deus, voluit

Tactos labe mali
Sic quoque restitui

peccato nos criminar.

3. Mors minax et effera,

Mors pro morsu lata
Vincitur, ad infera

Victor pace data
Transit, sede misera

Traxit collocata,
Nostraque peccata

sunt ad veniam revocata.

i. Luget Sion nescia

Primitus doloris,
Hebraei nequitia

Laetatur erroris
Contemnens remedia,

Unda sed ciuoris
Antidotum nobis

fuit et medicina doloris.

5. Praesens proposuimus

Celebrare festum,
O dolor, quam citius

Nostram placa questum,
Penitus exuimus,

Quidquid est molestum,
Cura, quid expediat,

non est, sed quid sit honestum.

6. Ergo beneficio

Vestrae pietatis
Illico cum gaudio

Nobis concedatis
Et morandi taedio

Non nos adfligatis,
Quia procul dubio

nocuit differre paratis.

Da licitum gratis, nos mos est ludere pratis ;
Exigit aetatis lascivia; die: abeatis.