Sermo II.

Quoniam estis filii Dei, misit Deus Spiritum Filii sui in corda vestra clamantem; Abba, Pater, ad Galatas quarto .

Ostendit hic Apostolus influxum gratiae Spiritus sancti quantum ad dispositionem praesentem per adoptionem legitimam, cum dicitur: Quoniam estis filii Dei; quantum ad operationem subsequentem per susceptionem charismatum, cum subditur: misit Deus Spiritum Filii sui in corda vestra cla mantem : Abba, Pater.

I. Quantum ergo ad primum assignat Apostolus, causam sive dispositionem adventus Spiritus sancti esse filiationem divinam, quam quidem tria comitantur, scilicet libertas in conditione per liberationem a servitute corruptionis; ad Romanos octavo: Ipsa creatura liberabitur a servitute corruptionis in libertatem gloriae filiorum Dei.

Conformitas in effigie per imitationem Christi conversationis; Ioannis duodecimo: Dum lucem habetis, credite in lucem ut fili i lucissitis .

Amicabilitas in corde per adhaesionem finalis dilectionis; primae Ioannis tertio : Videte, qualem caritatem dedit nobis Puter ut filii Dei nominemur et simus; unde ad Romanos octavo: Non enim accepistis spiritum servitutis iterum in timore, sed accepistis spiritum adoptionis filiorum, in quo clamamus: Abba, Pater.

Ex his praelibatis tribus disponitur anima ad gratiam Spiritus sancti, propter quod subditur: misit Deus Spiritum Filii sui in corda vestra clamantem: Abba, Pater. Qui quidem Spiritus non dator nisi liberis per contemptum vanitatis; ad Romanos octavo : Spiritus vitae in Christo Iesu liberavit me, a spiritu servitutis et carnis; Ioannis decimo quarto: Mittam vobis Spiritum veritatis, quem mundus non potest accipere.

Conformibus per credulitatem veritatis; Ioannis septimo :

Qui credit in me, flumina de venire eius fluent aquae vivae. Hoc autem dixit de Spiritu, quem accepturi erant credentes in eum.

Amantib us per desiderium aeternitatis; Lucae undecimo: Quanto magis Pater vester de caelo dabit Spiritum bonum petentibus se.

II. Mittitur autem Spiritus sanctus et venit in corda nostra sive ad corda innovanda per sinceritatem innocentiae; Ezechielis trigesimo sexto : Dabo vobis cor novum et spiritum novum ponam in medio vestri; et vivetis.

Illustranda per claritatem sapientiae; Ioannis decimo sexto : Cum autem venerit ille Spiritus veritatis, docebit vos omnem veritatem.

Inflammanda per caritatem benevolentiae; Actuum secundo: Factus est repente de caelo sonus tanquam advenientis spiritus vehementis. Et repleti sunt omnes Spiritu sancto.