R H E M E N . 115

men excludunt « Io quoties id exigit res de qua agitur, 2° si casus inciderit insuetus penitus et a ratione legis sic alienus, ut ei legem applicare videatur absurdum, vel iniustum, vel abs re, aut a voluntate legislatoris r emotum prorsus » ita d'Annibale P. I, n. 187. Revera ratio legis est anima legis, praesertim quando agitur de privilegiis concessis non motu proprio, sed ad instantiam alicuius.

Ad praescriptionem quod attinet adverti debet, eadem non inutiliter in casu videtur invocari, nam esto privilegia non praescribi per non usum, uti passim probant Canoni- stae, ut videre est apud Pirhing lib. V, § 33, n. 176, et Reiffenst. lib. V, § 33, n. 209; sed hoc fit de iis privilegiis, quae non laedunt ius tertii, uti late disserunt iidem auctores. Atqui in casu laesio iuris tertii non dubia videtur. Nam ipsae querelae Titularium docent quam aegre ferant huius- modi privilegii ad Honorarios extensionem. Ea vero de causa, quia Canonici honorarii hoc privilegio utentes laederent ius Titularium, qui ab honorariis distingui debent; laederent con- cessi privilegii intentionem, idemque pene proculcarent et fere ad nihilum redigerent, adeo ut non privilegii usus sed enormis evaderet abusus.

IURA CANONICORUM HONORIS. Sed ex adverso favore Ca- nonicorum, honoris causa Capitulo adscriptorum, haec ani- madvertere praestat. In primis frustra ex Iure Decretalium exquireretur textus quo iura comprobarentur huiusmodi Ca- nonicorum, incognita enim tunc fuit Canonicorum species; uti patet ex Fagnano com. in cap. Dilectus de Praeb. n. IO, quocirca in novissimo iure tantum reperiri possunt documenta haec iura respicientia. Consuetudine praesertim receptum fuit, ut honoris causa renuntiarentur canonici presbyteri, in Dioecesi de re christiana egregie meriti, qui ob imminutum praebendarum numerum de canonicali beneficio augeri non poterant. Quamvis titulo honoris cooptati in capitulum Ca- nonici, non obtineant iura Canonicis praebendatis competen- tia, veluti nec vocem activam, nec passivam in Capitulo ha- beant neve aliquod ius ad praebendam vacaturam uti decrevit.