Ex S. C. Rituum I I 5

omnes, animis corporibusque iuvandis ita se dedit, - ut non modo meruerit appellari pater pauperum, sed nec dubitant, ad similitudinem Boni Pastoris, animam suam dare pro ovi- bus suis. Cui supremo sacrificio optatam sancto viro attulit occa- sionem dira exorta contagio anno MDCCCXXXVIII. Eâ gras- sante, Stephanus, dum propero incessu ad aegrotos accurrit, ex tibiae ictu, eundem contraxit morbum, quo brevi raptus •est victima caritatis, die undecima mensis Februarii memo- rati anni.

Haec summatim pietatis et caritatis monumenta sunt, quae Ven. Stephanus posteritati reliquit ; haec exempla sanctitatis, cui illustrandae quum signa et miracula non defuissent, eius- dem Ven. Dei Servi causa ad S. RR. Congregationem delata est. Edito autem Decreto approbationis virtutum a SSmo Dno Nostro Leone Papa XIII fel. rec. pridie idus maias an. MDCCCXCVI de duobus miraculis actum est, quae, illo deprecante, patrata ferebantur ( i ) .

Horum primum in ordine propositionis accidit in oppido Genestano an. MDCCCLXXV. Ioannes Sarti, agricola, acuto morbo correptus, gravi leptomeningite spinali chronica, eo sensim devenit, ut plane paralyticus, contractis cruribus, macie enectum corpus fulcris traheret. Is, audito anniversariam verti diem ab obitu Ven. Stephani, templum Deiparae a Bono Consilio, miserrimo, quo solebat, incessu adiit, ibique ad se- pulcrum Ven. Dei Servi procumbens, magna voce ,cum la- crimis eius opem implorare suaque accusare peccata publice coepit. Ecce autem, stupentibus omnibus, confestim assurgit, proiectisque fulcris, cursu repetit domum, receptis, quibus antea vigebat, integris viribus.

Alterum contigit miraculum anno MDCCCXLV. Soror Maria Hyacintha Rebora hernia inguinali decimum septimum iam annum in civitate Ianuensi laborabat. Cuius acerbitate

( i ) Cfr. Acta S. Sedis, -vol. 28, p. 689.