Decretum seu Instructiones

III. Editione parata àc confecta, nefas erit ipsam evul- gare et in sacris functionibus adhibere cuique, nisi eam Or- dinarius loci declaratione munierit, qua de eius concordantia constet cum editione typica Vaticana.

IV. Ordinarius vero declarationem huiusmodi non conce- dat, nisi prius censores in cantu gregoriano periti, collatione facta diligentissime, in scriptis, onerata conscientia, testentur novam editionem cum Vaticana omnino concordare.

V. Illis officii liturgici partibus quae cantus diversos pro diversitate diei vel festivitatis admittunt, ut v. g. hymni et Ordinarium Missae, melodiae possunt adaptari, quae in edi- tione typica non reperiantur, et a Sacra Rituum Congrega- tione approbari, servatis debitis conditionibus, iis maxime quae in § d) Motus Proprii xxv Aprilis MCMIV apponuntur. Minime vero tonorum seu cantuum huiusmodi varietates ad- mittantur in caeteris partibus, v. g. in Antiphonis et Respon- soriis sive Officii sive Missae.

VI. Si autem agatur de Officiis propriis alicuius ecclesiae vel Ordinis regularis Romanum ritum sectantis, aut de Of- ficiis noviter concessis, gregorianae eorum cantilenae, a viris peritis restitutae vel concinnatae item Sacrae Rituum Con- gregationis approbationi subiiciantur ; qua obtenta, Ordina- rius loci certior factus, ut supra, de concordantia cum ori- ginalibus a S. C. recognitis, declarationem requisitam con- cedet.

VII. Tolerari potest quod cantus gregorianus notulis mu- sicalibus modernis edatur, dummodo periculum sedulo amo- veatur, quominus ordo notularum ac neumarum quomodo- cumque deturbetur. Ordinarius itaque pro hisce editionibus in commodum fidelium approbationem suam concedere po- terit, si ei constiterit, iuxta art. 4 et 6, de fideli conforma- tione cum editione typica vel melodiis approbatis.

VIII. Quandocumque liber sacrum cantum continens vel melodia quaelibet liturgica Sacrae Rituum Congregationi ad