116 APUANA

nonnulla iura pro se aiens: si parentes defuncti solvunt 5 libellas sodalitio a misericordia, emolumenta debent etiam parocho solvere. Associationibus autem gratuitis etiam Paro- chus gratis adesset.

Attamen si familiae defunctorum quae 5 libellas solvunt Sodalitio a misericordia, nollent aut nequirent solvere paro- cho emolumenta praetensa ; tunc forsan scandala redibunt de quibus actum est in alia quaestione ; nempe quod cada- vera efferri debeant a solis vespillonibus, aut quod sodali- tium a Misericordia efferre gratis débeat omnia cadavera. Quod facere nequit, quia onus importabile fieret.

Ex quibus verbis patet, Episcopum petitionem parochi S. Nicolai vindicandi sibi extraneorum defunctorum associa- tiones, duplici ex capite reiiciendam putare: 1. quia nullo est bono iuri innixa: nam cum hospitale, iuxta Ordinarium, sit exemptum, de funeribus extraneorum in eo defunctorum ad parochum S. Nicolai nil referre potest; 2. quia est inop- portuna.

Exemptio autem, quam, praeter Episcopum, ipsi piae domus moderatores pro viribus tuentur, in citatis Episcopi litteris provenire dicebatur a decreto magni ducis Tusciae et a decreto episcopali facto tempore s. visitationis.

Proposito itaque dubio an Ordinarii decretam quoad fu- nera extraneorum a sodalitate a Misericordia peragenda sustineatur in casu, S. C. C. die 6 Septembris 1890 re- spondit: Dilata et afferantur decreta anni 1782 super asserta exemptione, et doceatur de consecutiva observantia. >

Porro neque Episcopus neque piae domus moderatores, quibus potissimum nosocomii exemptio cordi esse videbatur, de hisce decretis afferendis satagerunt, sed parochus S. Ni- colai, contra quem decreta invocabantur, ipse quidem ea conquisi vit et ad S. C. C. detulit.

Primum ratione temporis inter haec invenitur quoddam scriptum diei 23 Aprilis 1782, quo Senator Bindus Peruzzi instantiam a priore nosocomii confectam transmittit ad Vi- carium regium Apuanum pro informatione et voto. In sup-