116 RHEMEN.

S. C. C. sub die 11 Ianuarii et 29 Augusti 1868 in causa Civitatis Castellanae « iurium praeeminentiarum et vocis in capitulo » ( 1 ) ; nihilominus ea quae honoris sunt, eisdem de- negari non debent, uti eorum ipsius nomen expostulat. Quare Canonici honorarii ius habent induendi vestes, insignia Ca- nonicalia, et sedendi in choro post ultimum Canonicum ti- tularem, prouti respondit S. C. C. die 6 Iulii 1867 ( 2 ) : quia eodem decreto huic III Dubio : An paramenta sacra in functionibus Pontificalibus accipere debeant Canonici ad ho- norem; Planeta vel potius Dalmatica seu Funicella parari teneantur; rescriptum fuit : Ad III si Capitulares sint distincti per ordines nimirum presbyteralem, diaconalem et subdia- conalem, Canonicos honorarios induere debere tunicellam, secus eamdem vestem communem Canonicis titularibus cu- iuscumque ordinis sint.

Sane denegari non debet, aliquando ex speciali constitu- tione Canonicis honorariis tantummodo aliqua, sed non omnia honorifica iura competere, ut infertur ex decisione S. C. C. diei 29 Maii 1869 in Divionen. Administrationis Sacr. et Funerum (3) ; sed plane iura honoris gratia Canonicis titu- laribus comparata, restringi non debent quoad honorarios, nisi hoc expresse in tabulis fundationis caveatur; possidet enim. ius commune quousque ius particulare probe non evincatur.

Iamvero in Brevi, de quo est quaestio, insignia conce- duntur indiscriminatim omnibus et singulis canonicis absque ulla distinctione; atqui praecipue in favorabilius ubi lex non distinguit, nec nos distinguere debemus. Sub nomine vero Canonici in iis quae favorabilia sunt, quaeque honorem Tituli spectant, venire indiscriminatim tum Canonicos, tum prae- bendatos, exploratissimi iuris est. Nam favores sunt am- pliandi, odia autem restringi convenit, et in cap. 2 De Donat. continetur : In contractibus plena, in testamentis plenior, in beneficiis (Principum) plenissima est interpretatio facienda.

(1) Confer Vol. IV, 177. (2) Recole Vol. III, 138. (3) Recole Vol. IV, 577.