115. In ss. Cosmae et Damiani.

1. Conditor cosmi omniumque salus,
Decus sanctorum, martyrum corona,
Bona qui praestas trinus unus, bonus
Rex saeculorum.

2. Opifex verus, lance in utraque
Trutinans juste, ponderans aequale,
Dividens cunctis, satians utraque,
Spiritus almus.

3. Solve, precamur, loris, quas meremur,
Precibus fulti sancti tui, Deus,
Inter quos isti uterini fratres,
Euge, beati

4. Milites Christi, feroces victores,
Ex una parens Egeaque poli,
Traditi arte medicina docti
Mox et beatis.

5. Alatis, inquit, sicuti canales,

Ut Christi normam gratis semper date,
Ut accepistis, minime negate,
Ut isti fratres.

6. Sontis in ira Lysia commotus
Tribunus jussit praesentari sanctos,
Cosmas exorsus verberari justus
Et Damianus.

7. Dicite, clari adelphi germani,
Ortus concretus nobili cruore,
Poplite supplex genua devote
Reddite Jovi.

8. Alacri vultu, agiles in voce

Inquiunt ambo: tibi sit nunc notum,
Thura, quae quaeris, deo nunquam damus,
Sed soli Jesu.

9. Machinam simul qui verbo formavit
Mundique rura, aequora rotavit,
Quadrupes coetus volatile formavit,
Regnat in astris.

10. Illico praesul furia refertus

Jussit in antris mancipari sanctos,
Marinos amnis absorbere fluctus,
Miro reversi.

11. Angelus inter remigans alarum
Labium vehit aequoris festinus,
Illic ministros reperit illaesos,
Divo patrante.

12. Nutu herili qui vehit in oras,
Martyres suos duxit in agone,
Mucro peremptos proprio cruore
Serta decore.

13. Vitam vitarum consequentes novam,
In qua cum Christo perfruuntur bona,
Quem expiati maneamus una
Ipso petente.

14. Ponite nobis clipeum salutis,
Unde hostilis ictibusque tuti
Sic maneanus, illuc veniamus,
Ad quae venistis.

15. Praesta, beata trinitas superna,
In unitate regisque gubernas
Saecula cuncta, nova ac veterna,
Futura regna.