EX S. G. S. R. U. INQUISITIONIS 117

tant, nisi postquam Ordinarius vel Vicarius Apostolicus ex prudenti iudicio compertum habeat eas nubiles existere, ac proinde malitiam in illis aetatem supplere declaret.

Ad II. Ut proponitur, negative; ideoque si aliquis huius generis matrimonii casus Missionariis occurrerit, illud nullum nequaquam declaretur, nisi prius a Vicario Apostolico confe- cto processu, indubiis probationibus puellam, de qua agitatur quaestio, ante duodecimum aetatis suae annum, iugali vinculo fuisse sociatam, et in ea, tempore quo nuptui data fuit, re- vera malitiam non supplevisse aetatem certo constet. Aut si de matrimonio ageretur quod o, puella, antequam christianae religioni nomen daret, fuit celebratum, nullum non pronun- cietur, nisi prius Missionarii, iisdem supranotatis probationi- bus, certiores fiant, puellam illam, dum huiusmodi nuptias contraxit, non fuisse doli capacem. Et detur Decretum de die 10 Decembris 1885, relatum in Collectanea S. Congregationis de Propaganda Fide sub n. 1383 (i).

Sequenti vero Feria V, die 19 eiusdem mensis et anni, SSrhus D. N. Leo PP. XIII, per facultates Emo Cardinali huius Supremae Congregationis Secretario impertitas resolutionem Emorum ac Rmorum Patrum adprobare dignatus est.

I. Can. MANCINI, S. R. et U. 1. Notarius.

(1) En citati decreti tenor:

« 1. Quando coniuges in infidelitate relicti matrimonio nondum consummato fi-

dem amplecti nolunt, matrimonia eorum in impubertate contracta, haberine po-

terunt tamquam mera sponsalia de futuro pro coniuge ad fidem converso?

2. Quando contrahentes neophyti puberes sunt, ad eorumdem matrimonium

dissolvendum requiriturne duplex aut nulla interpellatio vel sufficit unica, utrum

videlicet velint baptizari?

R. Ad 1. Dummodo constet nullum fuisse impedimentum iuris naturalis vel

divini, et praesertim contrahentes verum consensum praestitisse, non esse sponsalia

sed vera matrimonia.

Ad 2. Quatenus huiusmodi matrimonia probentur irrita ob aliquod impedi-

mentum iuris naturalis vel divini, et praesertim ob defectum veri consensus, non

esse locum interpellationi. Secus interpellationem esse faciendam an velit baptizari ;

et quatenus negative, an saltem velit cohabitare absque iniuria Creatoris. In casi-

bus autem particularibus, si occurrat gravis difficultas, recurrat ad S. Sedem ».