114. De Beata Maria V.

la. O Maria,
Virgo pia,

Salus et solacium ;

1b. O regina
Tu divina

Deique palatium.

2 a. Stella maris
Nuncupans,

Saevis in funiculis

2 b. Peccatorum
Spes, iustorum
Salus in periculis.

3 a. O benigna,
Dei digna

Mater esse crederis,

3 b. Et intacta
Es, ut acta

Arcae probant foederis.

4 a. Virgo nupta
Non corrupta,

In Luca quod dicitur;

4b. Pater praegnans,
Foedus regnans,
Sic vita allicitur.

5 a. Rubum ustum
Non combustum

In Moyse legimus ;
O beata,
Conservata,

Laxa malum, quod egimus.

5 b. Tu in hora
Mortis ora

Nostrae tuum filium,
Ut consortes
Mittat fortes

Et sanctorum auxilium.

6 a. Terge luctum
Et da fructum

Verae paenitentiae;

6 b. Confer genti
Te colenti

Sceptrum indigentiae,

7 a. Ut non laedant,
Sed quod cedant
Nobis mala omnia,

7 b. Et in luce
Christo duce

Confer pacis somnia.