116. Ad B. Mariam V.

1. Ave, virgo Dei mater,
vera spes fidelium,
Porta coeli, stella maris,
recti cursus bravium,
Summa legis, forma pacis,
salutis exordium.

2. Ave virgo, ave feta,
ave plena gratia,

Ave sponsa, ave mater,
ave Dei filia,

Quae diversa facis unum,
o omnipotentia.

3. Fons signatus, sacramenti
summi conceptaculum,

Scala Jacob, domus David,
Salomonis ferculum,

A leonis ore salva
Christianum populum.

4. Turris, in qua pendet omnis

armatura fortium,
Rosa florens, sacra vitis,

litium convallium,
Medicina peccatoris,

virtutis donarium.

5. Uva dulcis, flos suavis,

nardus odorifera,
Virgo semper tu sublimis,

gloriosa puerpera,
Praebe nobis adoptivis

pietatis ubera.

G. Orientis porta clausa,
quam vidit Ezechiel,

Mensa regis, ad quam dapes
tulit ipse Gabriel,

Quarum opem in leonum
lacu sensit Daniel.

7. Tu sigillum libri vitae
solidum in saecula,

Cujus potest solus agnus
solvere signacula,

In hoc nostra precum stilo
adscribe vocabula.

8.- Miserere nostri, Deus,
in personis trinitas,

Miserere, miserere
nostri, simplex unitas,

Te spiritus omnis laudet
sempiterna deitas.