i 18 APUANA

Oratorio Hospitalis neri nequeant aliae sacrae functiones praeter festum s. Titularis: 2. quod anniversaria suffragia 'et Missae cum cantu, in onerum implementum, transferantur in Ecclesiam S. Nicolai cum adsistentia Parochi : 3. Quod administratio sacramentorum infirmis fiat a Cappellano. Re- gia auctoritas haec omnia probavit et voluit, ut cappellanus invitaretur in Paroeciam dum fierent dicta suffragia et lita- rentur Missae praedictae, ne propria emolumenta amitteret.

Haec documenta Praeses congregationis charitatis desum- pta esse ex nosocomii tabulario et autographis conformia dicit. Et de his memoriam servari in archivio Sarzanensis dioecesis, ad cuius iurisdictionem Apuana civitas tunc tem- poris suberat, ex conscientia confitetur parochus S. Nicolai. Quin imo in parochiali archivio S. Nicolai adest historica relatio a parocho Frigeri, qui tunc temporis erat S. Nicolai rector, conscripta, cuius exemplar actualis S. Nicolai paro- chus transmittit, et in qua pars dispositiva decretorum su- perius relatorum inserta invenitur. Quapropter de horum documentorum veritate dubitari ex ipsa actoris confessione non licet.

Verum in adducta historica relatione sacerdotis Frigeri adnotatio adiicitur, qua sensus et valor decretorum superius relatorum valde, iuxta actorem, minuuntur, et ad quam id- circo plurimum attendendum idem actor putat, nimirum, ex iis dispositionibus parochialem iurisdictionem capellano hospi- talis ex integro datam minime fuisse ; nam decreta de infir- morum adsistentia unice loquuntur.

Quae parochi opinio quanti esset facienda remissum fuit E E . Patrum iudicio. Nam prohibitio sacras functiones alicubi peragendi signum potest esse exemptionis, vel non, iuxta di- versa rerum vel factorum adiuncta. Utrum autem in themate ademptae iurisdictionis sit signum, an non, definiant Emi Patres.

Quod potius pertinet adnotare, hoc denique est, nimirum de subsequa observantia, de qua S. C. C. edoceri voluerat, ne verbum quidem in novis actis reperiri.