Sermo IV

Item, sermo fratris Bonaventurae apud Massiliam, in Octava Nativitatis.

Postquam consummati sunt dies octo, ut circumcideretur Puer, vocatum est nomen eius Iesus, Lucae secundo .

Sacer Evangelista Lucas in his duo ponit: scilicet infantis dignissimi Iesu dispensativam et mysterialem circumcisionem secundum legem Moysaicam, cum dicit: Postquam consummati sunt dies octo, ut circumcideretur Puer; gloriosi eius nominis devotam et spectabilem clarificationem secundum ordinationem divinam, cum subdit: vocatum est n omen eius Iesus, id est, manifestatum est, quod nomen eius erat Iesus .

I. Circa primum notandum, quod voluit Christus homo circumcidi, cum esset sine lege, ut commend aret veterem legem contra Faustum , qui dixit, quod non erat a Deo; ad Romanos decimo quinto : Dicoenim, Christum Iesum ministrum fuisse circu mcisionispropter veritatem Dei ad confirmandas promissiones Patrum.

Ut veritatem carnis in se ostenderet contra Manichaeum, qui dixit, quod habuit carnem phantasticam; Genesis decimo septimo: Circumcidit carnem praeputii eorum statim in ipsa die.

Ut daret nobis exemplum humilitatis et obedientiae et conformitatis ad alios; ad Philippenses tertio : Ego cir cum cisus sum octava die , ex ge nere Israel, de tribu Beniamin.

Ut invitaret ad spiritualium et corporalium sensuum evangelicam circumcisionem; Deuteronomii trigesimo: Circumcidet Dominus Deus tuus cor tuum et cor seminis tui.

Ut inchoaret nostram redemptionem per sanguinis primi Uvam effusionem; ad Galatas ultimo: InChristo enim Iesu neque circumcisio aliquid valet neque praeputium, sed nova creatura.

Mystice octo circumcisionis dies significant septem virtutes gratuitas, et octava est, scilicet perseverantia finalis in eis; quos dies qui consummat vocatur ad salutem aeternam et circumciditur ab omni malitia et miseria et habet sive obtinet effectum nominis Iesu.

II. Est vero triplex operatio principalis, per quam nobis innotescit Deus suo nomine, scilicet potentiae mirabiliter influentis; et secundum hoc nomen est Dominus Deus noster , quod est nobis admirabile, secundum illud Iudicum decimo tertio: Cur quaeris nomen meum, quod est mirabile?

Clementiae misericorditer indulgentis; ei secundum hoc nomen est Dominus Iesus noster, , quod est nomen amabile , secundum illud Psalmi: Gloriabu ntur i n teomnes, qui diligunt nomen tuum.

Iustitiae inflexibiliter iudicantis; et secundum hoc nomen est Dominus iustus noster , quod est nomen terribile, secundum illud Psalmi: Sanctum et terribile nomen eius. nomen autem habet mirabile ratione potentiae mirabiliter influentis ad mundum fabricandum, secundum illud Psalmi : Quam admirabile est nomen tuum!

Ad mundum sustinendum, secandam illud Proverbiorum trigesimo: Quod nomen eius, et quod nomen filii eius, si nosti? Quis continuit spiritum eius ?

Ad mundum gubernandum, secundum illud Isaiae nono: Vocabitur nomen eius: Admirabilis, consiliarius, Deus, fortis, Pater futuri saeculi etc.

Istud autem nomen admirabile ratione potentiae sic tripliciter influentis est venerandum humiliter, tanquam per quod intellectualia corporalia, sensibilia et insensibilia fabricantur; Psalmus : Omnes gentes, quascumque fecisti, venient et adorabunt coram te, Domine, et glorificabunt nomen tuum.

Invocandum fideliter, tanquam per quod elementa et elementata caelestia et terrestria sustentantur; ad Romanos decimo: Omnis enim, quicumque invocaverit nomen Domini, salvus erit.

Benedicendum hilariter, tanquam per quod omnia prudenter, pie, potenter et pacifice gubernantur; Danielis secundo: Sit nomen Domini benedictum a saeculo et usque in saeculum, quia sapientia et fortitudo eius sunt.

Habet nomen secundo amabile ratione clemen to misericorditer indulgentis remissionem patratorum scelerum quantum ad dona veniae; Matthaei primo: Vocabis nomen eius Jesum; ipse enim salvu m faciet populum suum a peccatis corum.

Infusionem spiritualium charismatum quantum ad dona gratiae; Canticorum primo: Oleum effusum nomen tuum, ideo adolescentulae dilexerunt te.

Adimpletionem desideriorum mentalium quantum ad dona gloriae; Ioannis decimo sexto: Si q uid petieritis Patrem in nomine meo, dabit vobis.

Istud vero nomen amabile diligere comprobatur faciendo pro ipso laudabilia; ad Colossenses tertio : Omne , quodcumque facitis in verbo aut in opere, omnia in nomi n''e Domini nostri Jesu Christi facite.

Spernendo pro ipso mundialia; Matthaei decimo nono: Omn is, qui reliquerit domum vel fratres aut sorores aut patrem aut matrem aut uxorem aut filios aut agros propter no men meum ''etc.

Sustinendo pro ipso terribilia; Actuum quinto: Ibant Apostoli gaudentes a conspectu concilii, quoniam digni habiti sunt pro nomine Domini Jesu contumeliam pati.

Habet tertio nomen terribile ratione iustitiae inflexibiliter iudicantis, et ideo est formidabile propter subli mit atem dominii sive imperii, cui non poterit resisti; Ieremiae decimo : Magnus es tu, Domine, et magnum nomen tuum in fortitudine, quis non timebit te, o Rex gentium?

Propter severitatem zeli, qui non poterit mitigari; Isaiae trigesimo: Ecce, nomen Domini venit de longinquo, ardens furor eius, gravis ad portandum etc.

Propter stabilitatem iudicii, a quo non poterit appellari; Psalmus : Secundum nomen tuum, Deus, sic et laus tua i n fines terrae; iustitia plena est dextera tua.

Illud vero nomen tripliciter sic formidabile non derogabit solis assentientibus per fidem; Ioannis tertio : Qui non credit iam iudicatus est, quia non credit in nomine unigeniti Filii Dei .

Interpellantibus per spem; Psalmus: Sperent in te qui noverunt nomen tuum.

Obtemperantibus per caritatem; Psalmus: Gloriabuntur in te omnes, qui diligunt nomen tuum.