ENGOLISMEN. 419

peculiaria ob adiuncta, pluries de erectionibus sine Parochi con- sensu peractis decrevit consulendum esse SSmo pro sanatione, vel pure ac simpliciter, vel lege quadam adiecta ad hoc, ut a Parochiali Ecclesia populi concursus non distraheretur, vel con- fusio, scandala vel dissidia evitarentur. Taurin. 6 Septembris 1749. Farolivien. 8 Aprilis 1755 et Piacentina 19 Iulii 1783.

Quamobrem in themate ratio habenda esse videretur tum consuetudinis in Gallia vigentis, iuxta quam Capellani de quibus agitur, de facto independenter a Parochis ministerium suum exercent; tum bonae fidei, qua erectiones Viae Crucis locum habuere, quin Parochorum consensus requireretur; tum silentii iugiter a Parochis iisdem servati, quod non immerito pro tacito consensu interpretari valet. Quae omnia si consuetudinem dero- gatoriam inducere non valeant RR. Pontificum Constitutionibus et decretis S. C. Indulgentiarum, rationabilem tamen suppeditare causam videntur ad hoc, ut Sanctissimo sit consulendum pro sanatione vel indulgenda vel Episcoporum prudentiae atque arbitrio pro singulis casibus remittenda.

Relate ad alteram ex-quaestionibus propositis animadversum fuit, tum ex littera tum ex spiritu Brevium citatorum, in dubium merito revocari posse, num ad validitatem erectionum Viae Crucis Stationum, praeter genericam antea obtentam ab Episcopo sine designatione loci licentiam, specifica etiam postea requiratur pro unaquaque ex erectionibus.

Et quamvis ratio obtinendi ab Episcopis hanc specificam licentiam, parum attendenda videatur post Decretum Pii IX ex 14 Martii 1871, cuius finis est ut latius quam fieri possit pro- pagetur pium Viae Crucis exercitium, abrogando legem distantiae, permittendoque ut in singulis Ecclesiis stationes erigantur; tamen aliae contrariae prostant rationes. Etenim iuxta decretum diei 3 Augusti 1748 relatum a Prinzivalli pag. 122 ad vitandas controversias super validitate vel nullitate erectionis stationum Viae Crucis ex defectu licentiae Episcopi ac caeterorum consen- suum, constitutum fuit, sub poena nullitatis erectionis ipsius, huiusmodi consensus et licentia in scriptis et non aliter expe- diri, et quandocumque opus fuerit exhiberi debeant. Ast quo-