BARCHINONEN. 119

ctae sint. Parochus ergo denuo Sacratissimum Principem adivit haec exponens: «....Quia societates seu communitates religiosae, iuxta topographicam paroeciae positionem, inde- finite augeri possunt, sicut hucusque factum est, Parochus spirituali animarum detrimento iuste permotus anxiusque, a Sacratissimo Principe, ita talem facultatem constanter binandi, diebus festis, pro duobus saltem sacerdotibus obti- nere vellet, ut, nihil eidem obstet quod multae in posterum cappellae publicae vel Oratoria instituantur, ne multitudo fi- delium, sicut aliquando evenit, gravi periculo Missam amit- tendi, die festo, exponatur propter insecuritatem Missarum in paroecia. Quod quidem petere non videtur absque ratione et fundamento ; nam necessitates spirituales paroeciae rigo- rose exigunt, diebus festis celebrationem saltem sex Missa- rum ; etenim crescit in dies singulos parochianorum nume- rus, et copia peregrinorum ex toto Cathalauniae principatu et aliis regnis affluentium, causa visitandi Beatam Virginem Mariam de Bonanova, aucte quotidie invalescit ».

« Unde factum est, quod saepe saepius usuvenit, ut, per- acta iam Missa Maiori ad horam undecimam multos inter- rogare, an alia Missa celebretur ; siquidem testantur venire a longe gentium vel impeditos esse ab occupatione aliqua domestica atque ideo Missam audire nequiverint. Praeterea, ut pulchre narrat Episcopus in informatione adiuncti Rescri- pti , non omnes fideles, etiam si velint, commode riteque Sacrum audire possunt, paucis Missis celebrantibus, tum quia distantia valde diffusa est, tum quia officia parochianorum ita diversa inter se sunt, ut, dum alii ad Missam audiendam pergunt, alii domi remanere tenentur ad domestica servitia praestanda, tum denique (quod quidem maximi momenti est) quia dimensiones templi parochialis non sufficiunt ad fideles omnes amplectendos, nisi iterato saltem septies Sancto Sacri- ficio diebus omnibus festivis ».

« Quod quidem debitum Parochus minime certe adimplere potest cum tribus tantum sacerdotibus ad talem paroeciam deputatis, nempe ipse Parochus et duo Coadiutores, quorum