116. De Beata Maria V.

1 a. Imperatrix angelorum,
Salve, mater orphanorum,
Relevatrix tu peccatorum,
Illuminatrix, oculorum
Debilium
Collyrium.

1b. Ach, illumina Tobiam,
Regina, te monstra viam
Errantibus, philosophiam
Ignaros rectrix doce diam,

Nobilium

Tu lilium.

2 a. O clemens, vita, dulcedo, spes,
Nos audi suspirantes,

2 b. Ad te clamantes [hic] exsules,
In valle lacrimantes,

3 a. Ac exsistentes
Hospites,

Delictis licet nantes,

3b. Gementes, flentes,
Debiles,

Hinc grates tibi dantes.

4 a. Oculos tuos ad nos converte
Misericordes

4 b. Illos, advocata nostra, certe
Delentes sordes.

5 a. Nam scis et vis, ut quis, per te
Natos facere concordes:

5 b. Eia, iram eius verte,

Qua fuimus discordes.

6 a. Atque benedictum fructum
Tui ventris propitium
Ostende ;

6 b. O Iesu gerula, fductum

Nobis] post hoc exsilium
[lmpende].

7 a. O clemens, rubens rosula,
clementiam ostende,

7 b. O pia, mitis, humilis
labentibus impende.

8 a. O dulcis, fave dulciter,
Iesu, matris prece,

8 b. O dulcis, fac, ne laedat nos
mala lues nece.