120 M AZ ARIEN.

posset, supplici libello a S. C. C. petebatur, ut in dotale subsidium inverteretur sors praefato censui lib. 6. 37 respon- dens, a cuius proinde praestatione liberaretur familia Ca- stelli, haeres bonorum et onerum sacerdotis Cudia. Verum, pendente adhuc instantia, cum periculum esset in mora, nam speciosa erat puella, vir autem impatiens, et tamen sine dote eam ducere recusabat, moderatrix piae domus institit apud haeredes Castelli ut praefati census sortem, idest li- bellas 127, 50, continuo solverent, spondens certo futurum ut gratia concederetur. Et sacerdos Ioseph Castelli, qui ad- ministrator erat et unus ex haeredibus annuit, summamque erogavit, et sic mulier statim in matrimonium potuit ho- neste collocari.

Verum paulo post preces, de quibus supra, negativum obtinuerunt responsum; id quod valde sacerdotem turbavit, qui ad eam summam praestandam, si a census praestatione non liberaretur, haud erat paratus. Atque idcirco primum Vicarius generalis Dioecesis, huius sacerdotis nomine, dein piae domus moderatrix, ipso suffragante Episcopo, ac demum iterum iterumque idem sacerdos liberationis gratiam petie- runt, attento praesertim quod sors censui respondens bona ride iam fuerat erogata et consumpta. Ast omnibus hisce precibus haec una semper reperitur data successive respon- sio lectum et negative, usque ad diem 20 Augusti 1888, quo rescriptum est in decretis et amplius.

Modo vero Francisca Castelli, neptis sacerdotis Iosephi Castelli, et cohaeres cum eo bonorum et onerum sacerdotis Cudia exponit, quod patre et matre carens, in aetate 30 annorum, virum non invenit a quo in uxorem duceretur : nunc autem hunc reperisse, et ideo exponere ut dictus sa- cerdos Castelli, cuius oratrix est neptis, possit sibi repen- dere sortem lib. 127, alias alteri solutam, ceu urgens sub- sidium dotis, ita tamen ut praedictus sacerdos solvatur ab omni obligatione conscientiae.