117. De Beata Maria V.

1. Pulchra regis regia,
Regens regentem omnia,

2 a. Proles gignit Davidica
Christum virtute caelica,
Virilis tactus nescia;

2 b. Maria, spes fidelium,
Parit patrem et filium
Illaesa pudicitia.

3 a. Haec est regina gentium,
Quae labe caret criminum,
Nostra purgat contagia;

3 b. Haec est virgo puerpera,
Quae mundo salutifera
Reddit amissa gaudia.

4 a. Psallamus patris solio,
Unigenito filio,

Qui natus est de filia.

4b. Patri serenas supplices
Laudes demus multiplices,
Per quem fiunt magnalia.