BARCHINONEN. 121

ducitur ex integro referre : « Paroecia s. Gervasii memorata in adiunctis invenitur attentione dignis, quandoquidem com- plectitur novem millia animarum, quae spiritualiter pascit parochus, auxiliatus uno coaudiutore ac duobus aliis sacerdo- tibus ibi commorantibus, cuius territorium habet spatium unius horae cum tribus quadrantibus ab oriente ad occidentem et trium quadrantium ab aquilone ad meridiem. Porro hu- iusmodi distantiae difficultatem afferunt fidelibus, ut pos- sint praeceptum adimplere exiguo missarum numero, quae celebrari solent in templo parochiali, quae quidem difficul- tas ex eo augetur, quod in familiis, dum alii ad Missam audiendam pergunt, alii domi remanere teneantur ad do- mestica servitia praestanda. Huc accedit angustia templi parochialis, quod solummodo, plus minusve, mille fideles continere potest, quo fit, ut, quamvis non daretur allata causa distantiae, ob angustiam templi fideles praeceptum Missae adimplere non possent. Haec autem necessitas crescit aestivo tempore, quo incolae in oppido vulgo s. Gervasio 14,000 numerari solent, cum cives Barchinonenses quamplu- rimi recreationis gratia, aestivis caloribus perdurantibus, illuc transferantur.

« Dantur sane intra limites praefatae paroeciae sex publica sacella, ad religiosas domos pertinentia, ubi quotidie fit sacrum ac proinde ad ea confluere fideles possunt, ad missam audien- dam, ast cum ea sint exigua, difficultatem minime tollunt. Neque sacerdotes ibi celebrantes, ad celebrandum in parochiali compelli possunt, quandoquidem ex dictis cappellis seu ec- clesiis tres ad coenobia sanctimonialium, ac reliquae ad collegia sororum votorum simplicium quasi clausuram ser- van tium, pertinent. Nec denique exteri sacerdotes vocari pos- sunt, cum ii suis ecclesiis generatim adscripti, diebus festis occupati inveniuntur, sique liber aliquis restat nonnisi extra- ordinario stipendio, quod praebere illa paroecia nequit, ad illud servitium extra urbem praestandum consentit ». Ac deinde prosequitur : « Addere nunc operae pretium est, prae oculis habendas esse circumstantiarum varietates, quibus ex