118. De Beata Maria V.

la. Salve, virgo singularis,
Virga Iesse, stella maris,
Veri solis nuntia ;

1b. Rore caeli fecundans,

Virgo manens Deum paris,
Genitorem filia.

2 a. Supra morem virgo prolem,
Virga florem, stella solem
Profers, plena gratia.

2b. Mater veri Salomonis,

Tuum partum laudant donis
Magi stella praevia.

3 a. Per te verbum incarnatum
Senex iustus exspectatum
Portat inter brachia;

3 b. Per te formam servi Deus
Sumit, ut solvatur reus ;
O mira clementia !

4 a. Mortem subit, victor surgit,
Caelum scandit, viam pandit,
Ad aeterna gaudia.

4b. Illic iuncta trinitati

Gaudes in amplexa nati,
Virgo, mater, filia.

5 a. O Maria, mater pia,

Lux caelorum, spes reorum,
Nato nos concilia:

5 b. O regina, supplicamus,
Te cum nato videamus
In perenni gloria.