133.

1. Deinceps ex nulla

Palea figurae
Vescimur, medulla

Veteris scripturae,
Miscentur humana

Divinae naturae.
R Hey, in ista die
Meta prophetiae
Partus est Mariae
2. Jam non obfuscatur

Turris nebulosa,
Sion coloratur

Filia formosa,
Quae sole purgatur

Virgo gloriosa.
3. Sine carnis mole

Virgo gravi data,
Spiritali sole

Mitis reformata,
Mater tali prole

Dicta est beata.

4. Latitat sub lege

Sicut flos in spina,
Oritur cum rege

Gratia divina,
Qui vadit cum grege

Sub vili cortina.
R? Hey, in ista die
Meta prophetiae
Partus est Mariae.
5. Nobiscum versatur,

In terris est visus,
Qui cum occidatur,

A nullo est incisus,
Per quem solidatur

Paries divisus.
6. Claudit spiritale

Spiritalis cella,
Genuit regale

Regalis puella,
Monstrat speciale

Specialis stella.

7. Canere cur audes,
Musa, de divinis ?

Fugiunt hae laudes
Illum, qui est cinis,

Ergo de divinis
Sit hic tibi finis.